Белы Бiм Чорнае вуха (на белорусском языке) читать онлайн

6lib.ru - Электронная Библиотека
Название книги: Белы Бiм Чорнае вуха (на белорусском языке)
Автор(ы): Троепольский Гавриил
Жанр: Классика
Адрес книги: http://www.6lib.ru/books/beli-bim-hornae-vuha-_na-belorusskom-azike_-173577.html

Гаўрыiл Траяпольскi Белы Бiм Чорнае вуха Пераклад з расейскай Алеся Жука Аляксандру Трыфанавiчу Твардоўскаму Раздзел 1 ДВОЕ Ў АДНЫМ ПАКОI Жаласна i, здавалася, безнадзейна ён пачынаў раптам скуголiць, нязграбна перакочвацца з боку на бок, - шукаў мацi. Тады гаспадар браў яго да сябе на каленi i ўсоўваў у роцiк соску з малаком. А што ж заставалася рабiць месячнаму шчанюку, калi ён нiзвання не ведаў яшчэ ў жыццi, а мацi ўсё няма i няма, як ты нi жалься. Таму ён i спрабаваў першыя днi наладжваць сумныя канцэрты. Хаця ўрэшце засынаў на руках у гаспадара ў абдымкi з бутэлечкаю малака. Але на чацвёрты дзень малы пачаў ужо прывыкаць да цеплынi чалавечых рук. Шчанюкi вельмi скора адзываюцца на ласкавасць. Iмя свайго ён яшчэ не ведаў, але праз тыдзень дакладна вызначыў, што ён Бiм. У два месяцы ён здзiўлена ўбачыў рэчы: высокi - для шчанюка - пiсьмовы стол, а на сцяне - стрэльба, паляўнiчая сумка i твар чалавека з доўгiмi валасамi. Да ўсяго гэтага ён хутка